قبورنا خارج اوطاننا

الشاعر الصاعد/خالد بدر ابوالمجد


مواطنون بلا وطن
عازف على عود بلا وتر
مملوك واشتراكى
ولابنه وعيلته راح وهب
مسجون يا بلدى وانا حر
كنا زمان ماسورين ف الذل
دقنا فيكى الحلو
ودقنا فيكى المر
كان احتلال انجليزى بس مر
دلوقتى احتلال من جواك امر
كل شئ ريحته فساد
بس فساد يتنفذ بالامر
ومين ياكل حقوق البشر
ومين خلى العلم اندثر
ومين فسد عقولك
وشبابك من الدخان مش شايفين
تايهين
وبناتك لا عارفين هما فين
ولا هما مين
وكبارك طالعين وكلين
ونازلين
لو الدمع هيرجع اللى فات
مش هابكى على اللى اتقتل
ف شارع من الجوع
او من الظلم انتحر
اومات من الغرق
او مرض بين اهلك انتشر
انا شوفتك مكسورة ف يوم
انا شوفت صمتك
وشوفت اهانة اسمك
يا ريت حالك ده ما يدوم
انقذينى من الغرق ف البحر
لانى ما بعرفش اعوم
وشيلى عن كتفى همى
لانى مليان هموم
ولا لاقى اكل ولاشرب
ولا لاقى دوا و هدوم
ابنك وبانيك
بدور عليكى و مش لاقيكى
فين انتى
وانا اخد من كتفى واديكى
واحلف بترابك اعليك
وازرع ف طينك ورد واهديك
وينهبوا ارضك وخيرك وادكى
بتدى غيرى وسايبانى
انا اللى بحبك وحلفت
احفر قبرى بايدى ف ارضك
واندفن حى
لا قادر يوم اسمحك
ولا شايف خير جى
اوطان ولادك ايطاليا واليونان
لا عرفوا تاريخك
ولا كلوا من ارضك رومان
ولا شربوا مية نيلك
مية نيلك مليانه ديدان
تجيب المرض
والفشل الكلوى والسرطان
احلف برب العزة اللى حاميكى
واللى خضر ف يوم سمار طينك
واحلف برب الفاسد اللى حانيكى
واللى عكر ف يوم مية نيلك
واللى سرق من عمرك شبابك
واللى كسر عليكى بابك
واللى كل وشبع
وساب اكل اهلك ف الزبالة
ومعارضة ضايعة
لا ليها راى ولا قوالة
وانتخابات خالصة من غير عنوان
عنوانها مكتوب ف رسالة
رسالة سودا كتبها ظالم
بس بشياكة
تايه ليه يا ابن بلدى
ماشى لا انت عارف عايز ايه
ولا انت قادر تهدى
كلام كبير بتقوله
لا انا زى زى ولا حد قدى
عمرك وضاع ف الهوا
ف يوم جاى ويوم يعدى
تايه ليه يا ابن بلدى
كل كلامك عايز اسافر عايز اعدى
تغرق ف بحر او ف مركب من غير مركبى
وتشوف هناك الذل
وترجع تقول لا كان براى لا كان بيدى
مسالتش ليه عن حقك
اوعاك تقول ما كنش بدى
اوعاك اشوفك يوم بتبكى
فى بلد الذئاب
ف بلد الذئاب ناس معدمين
وناس وكلها ولعه وناس ساكتين
ده ناس جبنه
لا دول ناس طيبين
احترنا فيك يا مصرى نقول عليك ايه
سيبهم يكلوا حقك وانت عارف
يوم تطاطى ويوم تقول يا رب ساتر
ف بلد غييرك
تعرق وتشجى من غير مقابل
ف بلد الذئاب
الكل عايش ياكل ف بعضه
الكل ماشى من غير مشاعره
الكل سايب ف بيته اهله
حيوان وواقف مستنى قتله
قتله الذئب من غير ما ياكله
قتله عشان ما خدش حقه
ليه سابه ينهش ف لحمه
وليه كان الظلم عدله
ف بلد الذئاب
سجان وماشى رافع حواجبه
لو حد عرضه
ينصب مشانقه