شارع وراقص

موضوع: شارع وراقص الأحد أغسطس 23, 2009 6:16 pm

اشرف عبد الحى يرقص في شارع ضيق
( النوم تحت جلد النهار ، كومبارس ، صخرة ، جماد ، وش بيبص لورا ن لحد اخر نفس ، تماثيل وشوش ) عناوين لبعض القصائد بمجموعة اشرف عبد الحى الشعرية والصادرة مؤخرا من هيئة قصور الثقافة تحت عنوان (شارع ضيق جوه الروح ) والتى تضم تسعة عشر قصيدة منها "بكره" والتى يقول فيها ( بكره شايل معاه سرة/ مليانة بأمبارح/ واقف هنا وسارح / عايز يشوف بكره / بيدوس علي الاوكره / يفتح يلاقي وشوش / مفروشة بالخضرة) والتى يختتمها بقوله : ( لكل ميت قبر/ وأنا قبري جلدى / اللي اندفنت في تربته / وأنا حى ) ويقول في مقطع اخر : ( رقصنى علي طبل بلدكم / والسعنى بلسان كرباجى / واتمرمغ جوايا / بجبروت احلامك / وازرعنى غصب عنى في ارضك / بردك / حيموت في سكوتى كلامك / وتتوه في شوارعي مرارة خطاويك / اتسيد علي كيفك في استعبادى / خليك البادى / رقصنى علي مسرح يومك / لعبة / دمية / أو حتى / حتة ورقة ضعيفة بتبهت على وش الميه / خد منى وجودك / وحدودك / وشوية من غلة دودك / بعزقها على وش خريطة جسمى)