علمينى ما حبكيش

موضوع: علمينى ما حبكيش الأحد أغسطس 23, 2009 6:42 pm

علمــينى ما حبـكـيـــــش
هي احدى قصائد الفنان والشاعرنعم انه الشاعر/العزب فتحى والتى يقول فيها :
علمينى ما حبكيش
علمينى ازاى اعيش
من غير ما اشوفك
علمى طيفك
يبطل
يوم يزورنى
في المنام
علمى كل الكلام
انه ما يجبليش في سيرتك
علمى صورتك
ما تخطرليش في بال
علمى حتى الخيال
انه ما يسرحش فيك
علمى ايديا تموت حلمها
بلمسة ايديك
علمى عينيكى
ما تسكنش العيون
علمى الصوت الحنون
انه يطلع من الودان
علمى حتى الزمان
انه يرجع تانى بينا
قبل لحظة ما اتقابلنا
قبل ما دقت قلوبنا
قبل ما لمعة عينينا
علمى الاشجار
ما تحضنش الطيور
علمى العصفور
يبطل زقزقة
علمى العشاق يعيشوا
بدون امل لحظة
علمى الدنيا تبطل تبقي دنيا
علمى الثانية انها ف بعادك
ماتفوتش ......دهر
علمى الزهر
انه مايجودش بعبير
علمى الطير
انه يبطل يوم يطير
علمى القلب الاسير
ازاى يعيش من غير امل
من غير امانى
علمينى وقولي تانى
ازاى اعيش من غير حياة
علمينى
ازاى اعيش من غير ما اشوفك
علمينى ازاى اموتعلمينى ازاي اموت
**
المحرر
لا اجد تعليقا مناسبا لك استاذى سوى انك عاشق للحياة ولكن هل هذه الكلمات لمصر؟