العاشرة صباحا 4

المشهد الرابع (معلش)
الشعب المصرى اكتر شعب بيحب يستخدم كلمة (معلش) وتعنى (ما عليه شئ )ده لغويا واحنا تقريبا بنستخدمها فى كل حاجة فى حياتنا اليومية اول ما تخرج من البيت وانت ماشى خبطت فى حد (معلش)وبعدين روحت عند موقف الاتوبيس مستنى الاتوبيس وواحد هيسالك هو الاتوبيس اتاخر ليها هتقوله (معلش )الدنيا زحمة وانت طالع الاتوبيس هتزق فى الناس وهتقولهم (معلش) وصلت بعد كده بالسلامة وليكن للجامعة او لاى مكان لازم الكرنيه (معلش )علشان نسيته وبعدين دخلت المحاضرة متاخر هتقول للاستاذ (معلش )علشان المواصلات .......طبعا انتم عايزينى اكمل .... معلش كفاية كده.
لكن ان دلت على شئ هذه الكلمة فتدل على مدى قدرة الشعب المصرى على التحمل رغم كل ما يواجه من عقوبات ومصاعب فى حياته وبهذه الكلمة بيستطيع ان يجد فيها المخرج دائما .

خالد بدر ابوالمجد